Президент Садыр Жапаров Жогорку Евразиялык экономикалык кеңештин кезектеги жыйынына видеоконференция аркылуу катышат

Кыргыз Республикасынын Президенти Садыр Жапаров бүгүн, 14-октябрда, Жогорку Евразиялык экономикалык кеңештин жыйынына видеоконференция аркылуу катышат.

Казакстан Республикасынын Президенти Касым-Жомарт Токаевдин төрагалыгы астында өтө турган жыйында ЕАЭБге мүчө-мамлекеттердин башчыларынын бир катар документтерди, алардын ичинде глобалдык климат маселеси боюнча билдирүүнү кабыл алуусу болжонууда.

Ошондой эле ЕАЭБдин мунай жана мунай өнүмдөрүнүн жалпы рыногун түзүүнүн экинчи этабына өтүү маселесин жана евразиялык интеграциянын күн тартибинде турган башка бир катар маселелерди кароо пландалууда.

Бөлүшүү

Facebook LinkedIn Twitter VK OK