Кыргыз Республикасынын Премьер-министри Мухаммедкалый Абылгазиев Алматы шаарында өткөн Евразия өкмөттөр аралык кеңешинин (ЕӨАК) кезектеги жыйынына катышты.

4602

Кыргыз Республикасынын Премьер-министри Мухаммедкалый Абылгазиев Алматы (Казакстан Республикасы) шаарында өткөн Евразия өкмөттөр аралык кеңешинин (ЕӨАК) кезектеги жыйынына катышты.

ЕӨАК жыйынынын жүрүшүндө тар жана кеңири курамда маселелердин кеңири чөйрөсү, анын ичинде Биримдиктин санариптик күн тартибинин долбоорлорун ишке ашыруу механизмдери, ЕАЭБ мүчө-мамлекеттеринин өз ара соода жүргүзүүсү, аларды экономикалык өнүктүрүүнү камсыздоо боюнча чаралары талкууланды.

Жыйынтыгында өкмөт башчылар тарабынан ЕАЭБ мүчө-өлкөлөрүн келечектүү интеграциялоого багытталган бир катар документтерге кол коюлду.

Ошондой эле ЕӨАК кезектеги жыйынынын алкагында Премьер-министр Мухаммедкалый Абылгазиев «Глобалдаштыруу доорундагы санариптик күн тартиби 2.0» Форумунун ишине катышты, анын жүрүшүндө технопарктар ортосунда өз ара түшүнүшүү жана кызматташуу жөнүндө Меморандумга кол коюлду.

Алматы шаарында (Казакстан Республикасы) өткөн Евразия өкмөттөр аралык кеңешинин кезектеги жыйынынын соңунда бир катар документтерге кол коюлду.

Атап айтканда, Евразиялык экономикалык биримдикке мүчө-өлкөлөрдүн өкмөт башчылары төмөнкү келишимдерге жана чечимдерге кол коюшту:

- ЕАЭБ санариптик күн тартиби алкагындагы долбоорлорду ишке ашыруу механизмдери жөнүндө;

- Евразия өкмөттөр аралык кеңешинин 2018-жылдын 27-июлундагы № 10 тапшырмасынын аткарылышынын жүрүшү жөнүндө;

- ЕАЭБге мүчө мамлекеттер аралык 2018-жылкы өз ара сооданын абалы жөнүндө;

- ЕАЭБге мүчө-өлкөлөрдүн макроэкономикалык абалы жана туруктуу экономикалык өнүгүүнү камсыздоо боюнча сунуштар жөнүндө;

- ЕАЭБге мүчө-мамлекеттер ортосундагы үзгүлтүксүз кеңешмелерди өткөрүү жана туруктуу өнүгүүнү камсыздоо боюнча сунуштар жөнүндө;

- Евразия өкмөттөр аралык кеңешинин кезектеги жыйынын өткөрүү убактысы жана орду жөнүндө.

Ошондой эле Кеме жүргүзүү боюнча келишимге кол коюлду, ага кыргыз тараптан Кыргыз Республикасынын Транспорт жана жолдор министри Жанат Бейшенов кол койду.
Премьер-министр Кыргызской Республики Мухаммедкалый Абылгазиев принял участие в очередном заседании Евразийского межправительственного совета (ЕМПС) в городе Алматы (Республика Казахстан).

 

Бөлүшүү

Facebook LinkedIn Twitter VK OK