2022-жылдын 14-июлунда Кыргыз Республикасынын Элчилигинин кеңешчиси Э.Б.Аксамаев Украинанын ТИМ Консулдук Кызмат Департаментинин жарандардын жана юридикалык жактардын укуктарын коргоо башкармалыгынын башчысынын А.О.Ивасишин мырза менен жолугушуусу болуп өттү.  Тараптар Кыргызстан менен Украинанын консулдук багыттагы өз ара аракеттенүүсүнүн актуалдуу маселелерин талкуулашты.

Жыйынтыгында эки өлкөнүн жарандарынын кызыкчылыктарын жана укуктарын коргоо алкагында эки тараптуу кызматташууну арттыруу боюнча макулдашууга жетишилди.