Кыргызстандын Италиядагы Элчиси Т.Базарбаев «Centro Camuno di Studi Preistorici» тарыхка чейинки изилдөөлөр жана аска-зоо сүрөттөрү боюнча археологиялык борбордун Президенти Ф. Тролетти менен жолугушту

2022-жылдын 28-ноябрында Италиянын Камоника Альп өрөөнүндөгү Капо ди Понте коммунасында Кыргызстандын Италиядагы Элчиси Т.Базарбаев «Centro Camuno di Studi Preistorici» (CCSP) тарыхка чейинки изилдөөлөр жана аска-зоо сүрөттөрү боюнча археологиялык борбордун Президенти Ф. Тролетти менен жолугушту. 

Тараптар кызматташуу жана кыргыз тараптын маданий мурас объектилерин сактоо боюнча тажрыйба алмашуу, ошондой эле биргелешкен археологиялык изилдөөлөрдү, конференцияларды, тегерек столдорду өткөрүү, ошондой эле өз ара консультациялык-консультативдик мамилелерди жана техникалык жардам камсыздоо боюнча меморандумга кол коюуну талкуулашты. 

Т.Базарбаев кыргыз тарап италиялык тарап менен биргелешкен археологиялык изилдөөлөрдү жүргүзүүгө кызыкдар экенин билдирди.

Ф.Тролетти Кыргызстан биздин заманга чейинки экинчи миң жылдыкка таандык аска-зоо сүрөтүнүн тарыхый эстеликтерине бай экенин белгилеп, акыркы изилдөөлөр алардын бир топ байыркы бар экенин көрсөтүп жатканына көңүл бурду. Ал CCSP борборунун кыргызстандык изилдөөчүлөрдү жана студенттерди Италияга илимий кызматташууну баштоого чакырууга даярдыгын билдирди.

Ошону менен бирге, 2022-жылдын 28-ноябрында Брешия провинциясынын “Comunità Montana di Valle Camonica” муниципалитеттеринин административдик тоо-кең союзунун Президенти А.Бономелли менен жолугушуу болуп өттү.

Жолугушууда Т.Базарбаев Кыргыз Республикасы тоолорду туруктуу өнүктүрүү маселелерине өзгөчө көңүл буруп жатканын айтып, анын демилгеси менен БУУнун Башкы ассамблеясынын 75-сессиясынын «Жаратылыш чек араны билбейт: чек ара кызматташтыгы - биологиялык ар түрдүүлүктү сактоонун, калыбына келтирүүнүн жана туруктуу пайдалануунун чечүүчү фактору” жана 2022-жылды Туруктуу тоолорду өнүктүрүүнүн эл аралык жылы деп жарыялоо резолюциялары кабыл алынган.
Ошону менен бирге ал 2022-жылдын 22-ноябрында БУУнун Башкы ассамблеясынын экинчи комитети Кыргызстан менен Италия биргелешип демилгелеген “Тоолорду туруктуу өнүктүрүү” резолюциясын жактырганын билдирди.

Ошону менен бирге Т.Базарбаев өлкө аймактарынын социалдык-экономикалык абалын жакшыртууга багытталган Кыргызстанда ишке ашырылып жаткан “Бир айыл – бир продукт” улуттук долбоору тууралуу маалымат берди.

А.Бономелли «Comunità Montana di Valle Camonica» биримдиги кыргыз тарап менен эл аралык кызматташтыкты өнүктүрүүгө жана алардын тоолуу аймактарын социалдык-экономикалык өнүктүрүү, ошондой эле башкаруу модели, пландарды ишке ашыруу жана институционалдык маселелер боюнча тажрыйба алмашууга даяр экенин белгиледи.

Бөлүшүү

Facebook LinkedIn Twitter VK OK