2023-жылдын 22-сентябрында Элчилик Кыргыз-Япон «Тенсай» мектеп комплекси менен Хоккайдо Саппоро шаарындагы Маданияттар аралык жана технологиялык жогорку мектебинин ортосундагы кызматташуу жана биргелешкен иш-чаралар боюнча өз ара түшүнүшүү Меморандумуна кол коюунун онлайн аземине катышты. Кол коюлган Меморандумдун алкагында жогорку класстардын окуучуларынын ортосундагы достук байланыштарды чыңдоо максатында билим берүү жана маданий алмашууларды жүргүзүү пландаштырылууда. Иш-чарага окуучулар менен бирге Тенсай жана Хоккайдо Саппоро мектептеринин өкүлдөрү, Адам ресурстарын өнүктүрүү боюнча кыргыз-япон борборунун жана JICAнын Кыргыз Республикасындагы өкүлчүлүгүнүн өкүлдөрү катышты. Жыйынтыгында эки мектептин окуучулары саламдашып, Япониянын Хоккайдо мектебинин окуучулары улуттук аспаптарда ойноо тартуулашты.