2023-жылдын 30-сентябрында Элчилик эл аралык кызматташтык чөйрөсүндөгү эң ири иш-чаралардын бирине “Global Festa JAPAN” аттуу иш-чарага катышты. Ал эл аралык кызматташуу, социалдык салым, туруктуу өнүгүү максаттарын алдыга жылдыруу ж.б. маселелери менен алектенген ар кандай мамлекеттик жана жеке уюмдарды бириктирет. Быйыл 32-ирет өтүп жаткан иш-чаранын темасы «Эл аралык кызматташтык тынчтыкты орнотуу. Канчалык көп дос болсо, ошончолук жакшы!». Иш-чаранын катышуучуларына жана конокторуна Кыргыз Республикасынын маданияты, каада-салты жана туристтик потенциалы тууралуу маалыматтар берилди.