Кыргыз Республикасынын Тышкы иштер министри Жээнбек Кулубаев 2024-жылдын 1-3-мартында Антальяда өтө турган 3-Анталья дипломатиялык форумуна катышат.

Форумдун алкагында Министр Ж.Кулубаевдин бир катар өлкөлөрдүн тышкы иштер ведомстволорунун жетекчилери менен жолугушуулары, ошондой эле панелдик сессияда сөз сүйлөөсү пландалууда.

«Кризис учурунда дипломатияны өнүктүрүү» деген темага арналган Форумга 60тан ашык өлкөлөрдүн тышкы иштер министрликтеринин жетекчилери, ошондой эле 80ге жакын эл аралык жана аймактык уюмдардын өкүлдөрүнүн катышуусу күтүлүүдө.