Кызмат

ККДде жалпы жарандык паспортторду тариздөө

Документтерди кабыл алуу, тариздөө, берүү, КРнын жаранынын 2006-жылдык үлгүсүндөгү жалпы жарандык чет өлкөгө чыгуучу паспортун (мындан ары - жалпы жарандык паспортун) даярдап чыгаруу тартиби КР Өкмөтүнүн 2011-жылдын 20-июнунда бекитилген №332чи "Документтерди кабыл алуу, тариздөө, берүү, каттоо, КРнын жаранынын жалпы жарандык паспортун даярдап чыгаруу жана жекелештирүү жөнүндөгү" Жободо (инструкцияда) аныкталган.
Кыргыз Республикасында жашап аткан КРнын жарандары жалпы жарандык паспортун Кыргыз Республикасынын Мамлекеттик Каттоо Кызматы аркылуу тариздешет.
Ал эми чет өлкөдө жашап аткан КРнын жарандары жалпы жарандык паспортун Кыргыз Республикасынын чет өкөдөгү дипломатиялык жана консулдук мекемелери аркылуу тариздешет.
КРнын жалпы жарандык паспортун КРнын жарандарына тариздөө жана берүү иши КРнын чет өлкөдөгү КРнын дипломатиялык жана консулдук мекемелери тарабынан жүзөгө ашырылат.

КРнын жалпы жарандык паспортун КРнын чет өлкөдөгү мекемелеринде тариздөө үчүн төмөндөгү документтерди тапшыруу зарыл:
-№1 формасындагы арыз;
-анкета-арыз;
-2 (эки) ак фондо түшкөн жүзү так көрүнгөн жылтырак кагаздагы 4х6 см өлчөмүндөгү түстүү сүрөт;
- анкета-арыздын бланкы үчүн акча төлөнгөндүгү тууралуу квитанция;
- жалпы жарандык паспорттун бланкы үчүн акча төлөнгөндүгү тууралуу квитанция;
- жалпы жарандык паспортту жекелештирүү үчүн акча төлөнгөндүгү үчүн;
- мамлекеттик салыкты (пошлинаны) төлөгөндүгү туурлауу квитанция.

Кээ бир учурларда кошумча төмөндөгү документтер тапшырылат:

1) Биринчи жолу жарандык паспортун алып аткан жаран үчүн:
КРнын жаранынын 1994-жыл үлгүсүндөгү паспорт;
социалдык коргоо күбөлүгү;

2) жалпы жарандык паспортту алмаштырып аткан жаран үчүн:
алмаштырууга жаткан жалпы жарандык паспорт;
нике кыйылгандыгы (бузулгандыгы) тууралауу күбөлүк же фамилиясын, атын (фамилиясын, атын) өзгөрткөндүгү тууралуу күбөлүк;

3) паспортту жоготкондугуна байланыштуу жалпы жарандык паспортун алмаштырып аткан жаран үчүн:
социалдык коргоо күбөлүгү (эгер болсо);
туулгандыгы тууралуу күбөлүк;
паспортту жоготкондугуна жана анын себептеринин түшүндүрмөсү бар арыз-түшүндүрмө;
жүргөн мамлекеттин укук-коргоо органдары тарабынан берилген паспортту жоготкондугун тастыктаган документ;

4) 16 жашка жетпеген өспүрүмгө жалпы жарандык паспортту тариздөөдө төмөндөгү документтерди тапшыруу зарыл:
-туулгандыгы тууралуу күбөлүк;
- ата-эненин никеси катталгандыгы (бузулгандыгы) тууралуу күбөлүк;
- ата-эненин жалпы жарандык паспорту;
- социалдык коргоонун күбөлүгү.

Эгерде ата-эненин бирөө чет өкөнүн жараны болсо, анын 16 жашка жетпеген өспүрүмгө жалпы жарандык паспортту тариздөөдө нотариалдык күбөлөндүрүлүгөн макулдугун тапшыруу зарыл.

Жаңы жалпы жарандык паспортту алаарда, жарандын мурунку жалпы жарандык паспорту тапшырылыш керек. Эгерде паспортту биринчи жолу алып атса, 1994-жылдык паспорту алынып коюлбайт, анын чет өлкөлүк баракчасы паспорттун тышы менен чапташтырылып жараксыз белгиси коюлат да, кайтаралып берилет.                                                                        

Эгерде жаран жалпы жарандык паспортун алганы үчүн белгиленген уабакта келбей калса, чет өлкөдөгү мекеме жарандын келбей калган себебин билип же ага кат түрүндө эскертүү жиберет. 6 (алты) айдан кийин чет өлкөдөгү мекеменин кызматкери жалпы жарандык паспортту калкты каттоочу органдын дарегине 3 жылдан ашпаган мезгилге сактоого жиберет. Аталган мезгил аяктагандан кийин, эгер жалпы жарандык паспорттун ээси тарабынан суралбаса, мындай жалпы жарандык паспортжараксыз деп табылып, жок кылынат.

Жалпы жарандык паспортун жоготуп алган же паспортунун жарак мөөнөтү бүтүп калган  Кыргыз Республикасынын жарандары Кыргыз Республикасынын Пакистандагы Элчилигине убактылуу жолдо жүрүү документин – Кыргыз Республикасына кайтуу күбөлүгүн (МКК – мекенге кайтуу күбөлүгүн) – берүү өтүнүчү менен кайрылышса болот.

МКК Кыргыз Республикасына жетип алуу үчүн гана жана 30 күндүк мөөнөткө гана берилет. Мекенге кайтып баргандан кийин, күбөлүктү алган жаран бир айдын ичинде тиешелүү органдарга кайрылып жаңы паспортко арыз жазып МККны тапшырышы керек.

Мекенге кайтуу күбөлүгүн алуу үчүн жарандын Кыргыз Республикасынын ПИР (Исламабад шаары) элчилигине сөзсүз түрдө өзүнүн келиши жана төмөнкү документтерди көрсөтүүсү зарыл:

  1. Атайын белгиленген формадагы арызда Кыргыз Республикасынын жараны паспортунун эмне себептен жок экендигин далилдүү түшүндүрүшү керек.
  2. 3х4 см өлчөмдөгү үч сүрөт.
  3. Кыргыз Республикасынын жарандык паспорту, паспорт жоголгон учурда анын көчүрмөсү (эгер болсо).
  4. Жашаган өлкөнүн жергиликтүү органдар тарабынан Кыргыз Республикасынын жаранынын паспорту жоголгон, уурдалган же алдырган тууралуу фактысы катталган справка.
  5. МКК алууну тездетүү үчүн жарандыкты далилдеген башка документтердин көчүрмөлөрүн тапшыруу зарыл: туулгандыгы тууралуу күбөлүк, ата-энесинин жалпы жарандык паспорттору (балдар үчүн), аскердик билет, сүрөтү менен болгон кызматтык күбөлүк, же болбосо экиден кем эмес Кыргыз Республикасынын жарандарынын күбө каты (чынында эле арыздын ээси Кыргызстандын жараны экенин ырастаган) паспортторунун көчүрмөсү менен бирге тиркелет. Бул документтердин жетишсиз болуп турган учурда Элчилик Кыргыз Республикасынын тиешелүү органдарына жоголгон паспорт боюнча №1 формасын талап кылганга мажбур болот (форма №1 суроо-талап анкетасы).
  6. Консулдук акы 20 АКШ долларын түзөт.