Кыргыз Республикасынын Германия Федеративдүү Республикасындагы Элчилигинин имаратынын тарыхы (Otto-Suhr-Allee 146, 10585 Берлин)

Эгемендүүлүккө ээ болгондон кийин Кыргызстан мурдагы СССРдин курамындагы бардык өлкөлөр сыяктуу эле өзүнүн тышкы саясий жана тышкы экономикалык байланыштарынын натыйжалуу системасын тез арада түзүшү керек болчу. Жаш республиканын приоритеттүү багыты анын тышкы саясатында негизги ролду ойногон өлкөлөрдө өзүнүн дипломатиялык өкүлчүлүктөрүн ачуу болду.

Кыргыз Республикасы менен Германия Федеративдүү Республикасынын ортосундагы дипломатиялык мамилелер 1992-жылдын 3-февралында түзүлгөн.

Кыргыз Республикасынын Германия Федеративдүү Республикасындагы Элчилиги 1995-жылдын январында Германиянын ошол кездеги борбору Бонн шаарында ачылган. Ал дипломатиялык корпустун көбү жайгашкан Бад Годесберг аймагында жайгашкан. Элчиликтин Бонндук мезгили Германияны өнүктүрүү саясатынын алкагында кызматташуу боюнча эки тараптуу кыргыз-герман комиссияларынын ишин активдештирүү, Кыргызстандагы немис диаспорасын колдоо, маданий, соода-экономикалык мамилелер, ошондой эле эки тараптын кеп сандаган делегацияларын алмашуу, анын ичинде жогорку децгээлдеги визиттер.

Сентябрь айында элчилик бирдиктүү Германиянын тарыхый борбору Берлинге көчкөн. Кыргызстандын элчилиги өзүнчө бир виллада, байыркы имаратта, улуу Шарлоттенбург сарайынан алыс эмес жерде жайгашкан, ал Берлиндин бул жайлуу аймагына да атын берет.

Имарат 1870-жылы жыгач уста жана мастер масон А.Шульц тарабынан өз үйү катары жеке колдонуу үчүн курулган жана кызыктуу тарыхы бар. Үй жайгашкан көчө ал кезде Берлинер Штрассе деп аталып, 1957-жылы Германиянын белгилүү социал-демократиялык саясатчысынын урматына Отто-Зур-Аллее деп өзгөртүлгөн.

Королдук резиденция Шарлоттенбург сарайынын жанындагы үйдүн ыңгайлуу жайгашуусу дайыма ошол кездеги бизнесмендердин көңүлүн бурчу. 1876-жылы үйдү немис соодагери Даниел Финеган сатып алып, 1888-жылы аны ири өнөр жайчы Юлиус Гебауэрге саткан.

Ошол убакта имараттын нео-готика жана нео-ренессанс стилдеринде кооздолгон фасады, көптөгөн жабык балкондору жана мунаралары бар болчу. 1141 чарчы метр жер тилкеге үйдөн тышкары сарай жана тосулган алдыңкы бакча кирген.

Болжол менен 1924-жылы бизнесмен С.Бётчер имараттын ээси болуп калган. Анын имаратта жайгашкан ушул эле аталыштагы фирмасы жыгач соодасы менен алектенип, кийин турбиналар жана башка жабдуулар менен соода кылган.

Имараттын тышкы архитектуралык көрүнүшү 1938-жылы кийинки ээси Кемпер жана Зеберг компаниясы тарабынан калыбына келтирилгенге чейин сакталып калган. Компания имаратты кеңсе катары колдонуп, кошумча кабаттарды да кошкон. Жабылган балкондор, колонналуу подъезд жана декоративдик педимент алынып салынды. Бул өзгөртүүлөр имаратка азыркыга чейин сакталып калган жөнөкөй, функционалдык өзгөчөлүктөргө ээ болду.

1956-жылдан 1975-жылга чейин имаратта күйүүчү материалдарды саткан Montana Handelsgesellschaft компаниясы жайгашкан.

1975-жылы декабрда имарат Шарлоттенбург райондук администрациясынын менчигине өтүп, 1977-жылы Шарлоттенбург районунун жаштар жана спорт бөлүмүнө өткөрүлүп берилген.

2000-жылдын август айында Элчиликтин имараты Кыргыз Республикасы тарабынан сатылып алынган.