2024-жылдын 14-майында Кыргызстандын Берлиндеги Элчилигинде Элчи Өмүрбек Текебаев Кыргызстандан келген “Titan Group Company”, “DISUN”, “SAWWA”, “SKIN Expert”, “Bambino2”, “Wool Carpets KG” аттуу компаниялардын жетекчилери жана өкүлдөрү менен жолукту.

Кыргызстандык айым-ишкерлер Германияга тиешелүү жабдууларды табуу жана герман өнөктөрштөрү кызматташтыкты түзүү максатында келишкен.

Жолугушууда Элчи Ө.Текебаев кыргыз-герман экономикалык кызматташуу тууралуу маалымат берди жана кыргыз айым-ишкерлери герман компаниялары  менен кызматташууну илгерилетүү тууралуу ой-пикир бөлүштү.