Ыйык Рамазан айында 2023-жылдын 28-мартында Кыргыз Республикасынын Стамбул шаарындагы Башкы консулдугу Стамбул шаарында жашаган мекендештер үчүн ооз ачуу уюштурду.

Иш-чаранын жүрүшүндө Кыргыз Республикасынын Башкы консулдугунун кызматкерлери ыйык Рамазан айынын башталышы менен, ошондой эле келе жаткан Кыргыз Республикасынын Конституциясынын кабыл алынгандыгынын 30 жылдыгы менен куттукташты.

Кыргыз Республикасынын Башкы консулдугунун өкүлдөрү Түркиянын табигый кырсыктан жапа чеккен аймактарында өз ыктыяры менен жардам берүүгө, колдоо көрсөтүүгө катышкан жарандарыбызга терең ыразычылыгын билдиришти.

Жолугушууда мекендештердин суроолоруна түшүндүрүү иштери жүргүзүлүп, консулдук тарабынан Түркиядагы Кыргыз Республикасынын жарандарынын укуктарын жана кызыкчылыктарын коргоо багытында жүргүзүлүп жаткан иштер туурасында кеңири маалымат берилди.