2023-жылдын 3-сентябрында Кыргыз Республикасынын Башкы консулдугу Түркиядагы кыргыз диаспорасы жана студенттер биримдиги менен биргеликте Кыргыз Республикасынын Эгемендик күнүнүн 32-жылдыгына арналган салтанаттуу иш чара өткөрдү.

 

Башкы консул Лира Сыдыкова мекендештерди Эгемендик күнү менен куттуктап, Кыргызстандын өнүгүү жана калыптануу жолун өзгөчө белгилеп, өлкөдөгү жана чет өлкөлөрдөгү кыргыздардын ынтымагы менен биримдигинин маанилүүлүгүн ырастады. Башкы консулдук тарабынан Түркия Республикасындагы эмгек мигранттарына ар тараптуу колдоо көрсөтүү, Кыргыз Республикасынын жарандарынын кызыкчылыктарын жана укуктарын коргоо боюнча көрүлүп жаткан кадамдар тууралуу кеңири маалымат берди.

 

Мекендештердин жана студенттердин катышуусунда өткөн салтанаттуу иш чарада, консулдуктун кызматкерлери бардык маселелер боюнча юридикалык кеп-кеңештерди жана Түркия Республикасынын эмгек миграция чөйрөсүндөгү мыйзамдардын негизги нормалары боюнча түшүндүрмөлөрдү беришти.

 

Иш чаранын жүрүшүндө, кыргызстандык студенттер тарабынан маданий жана концерттик программа уюштуруп, элдик оюндар жана улуттук бийлер тартууланды.