2024-жылдын 6-майында Кыргыз Республикасынын Түркия Республикасындагы Элчилиги көптөгөн түрк элдери майрамдаган «Хедерлез» (Hıdırellez bayramı) жаз майрамына карата маданий иш-чарага катышты.

Иш-чара Анкара шаарындагы Кечиорен муниципалитет аянтында өтүп, ага түрк тилдүү мамлекеттердин дипломатиялык өкүлчүлүктөрүнүн өкүлдөрү, расмий өкүлдөр, Анкарадан келген коноктор жана ММК өкүлдөрү катышты.

Конокторго улуттук тамак-аш жана көркөм кол өнөрчүлүк, сувенирлер, кийизден жасалган буюмдар жана Кыргызстан тууралуу китептер тартууланды.