2024-жылдын 10-январында Элчи Омар Султанов Швейцария Конфедерациясынын жаңы дайындалган Президенти Виола Амхерд айымга жаңы жылдык куттуктоосун тапшыруу салттуу аземине катышты.

Иш-чара Берндеги Федералдык сарайда өттү. Иш-чаранын жүрүшүндө Швейцариянын Президенти жана Коргоо, жарандык коопсуздук жана спорт федералдык департаментинин башчысы дипломатиялык миссиялардын башчыларынын алдында сөз сүйлөп, Швейцариянын 2024-жылга карата тышкы саясаттагы негизги артыкчылыктары белгиледи.