Консулдук маселелер / Нотариалдык суроолор / Нотариалдык маселелер (KG)

Кыргыз Республикасынын Ирандагы Элчилиги төмөнкүдөй нотариалдык иш–аракеттерди жасайт:

1. Кыргыз Республикасынын аймагында турган кыймылсыз мүлктү ээликтен ажыратуу жөнүндө келишимдерди кошпогондо, бүтүмдөрдү күбөлөндүрөт;
2. мурас калган мүлктү кайтаруу үчүн чараларды көрөт;
3. мураска укук жөнүндө күбөлүк берет;
4. жубайлардын жалпы мүлкүндөгү үлүшкө менчик укугу жөнүндө күбөлүк берет;
5. документтердин көчүрмөлөрүнүн жана алардан көчүрмө бөлүктөрдүн аныктыгын күбөлөндүрөт;
6. документтердеги колтамганын аныктыгын күбөлөндүрөт;
7. документтерди бир тилден башка тилге которуунун тууралыгын күбөлөндүрөт;
8. жарандын тирүү экендигинин фактысын күбөлөндүрөт;
9. жарандын белгилүү бир жерде жүргөндүгүнүн фактысын күбөлөндүрөт;
10. жарандын фотосүрөттө тартылган адамга окшоштугун күбөлөндүрөт;
11. документтер берилген убакытты күбөлөндүрөт;
12. акчалай суммаларды жана баалуу кагаздарды депозитке кабыл алат;
13. аткаруу жазууларын жүргүзөт;
14. документтерди сактоого кабыл алат;
15. далилдерди камсыздайт;
16. деңиз протесттерин жасайт.

Нотариалдык иш-аракеттерди жасоо боюнча консулдук кызматтарды алуу үчүн Кыргыз Республикасынын Элчилигине барганда арыз ээлердин жанында төмөнкү документтер болушу керек.

- арыз ээсинин инсандыгын ырастоочу жарактуу документ;

- нотариалдык күбөлөндүрүүгө тийиш болгон документтердин түп нускалары же дубликаттары;

- консулдук кызмат үчүн төлөмдүн квитанциясы ("Пасаргад" банкынын каалаган филиалы, Кыргыз Республикасынын Ирандагы Элчилигинин эсеби 367-7160-13327491-1).

Арыз ээлери нотариалдык иш-аракеттерди жасоо боюнча консулдук кызматтарды алуу үчүн Кыргыз Республикасынын Иран Ислам Республикасындагы Элчилигине каалаган жумуш убактысында бара алышат жана нотариалдык иш-аракеттерди жасоонун тартиби жөнүндө кошумча маалыматты +98-21-22830354 телефону боюнча ала алышат.