2019-жылдын 17-февралында Кыргыз Республикасынын Өзбекстан Республикасындагы Атайын жана Ыйгарым Укуктуу Элчиси Ибрагим Джунусов Ташкент областындагы Паркент районунда 33 номерлүү мектепте болуп кайтты.

Дипөкүлчүлүктүн башчысы Ташкент областында биринчи орундарды ээлеп келе жаткан мектептин волейбол курама командасы жана машыгуучу спорт залы менен таанышты. Андан сырткары, ачык сабактарда болуп, мугалимдик состав менен баарлашты.

            Райондун хокиминин жана областтык билим берүү мекемесинин башчысынын катышуусу менен мектептин залында Элчи Ибрагим Джунусовдун Паркент районунда жашаган этникалык кыргыздар менен жолугушуусу өткөрүлдү. Ибрагим Джунусов Кыргыз Республикасынын эң алдыңкы жогорку окуу жайларында акысыз билим алуу үчүн тапшырууга этникалык кыргыздар үчүн берилип жаткан мүмкүнчүлүктөр жөнүндө тааныштырды. 

Жолугушуунун аягында Элчи Ибрагим Джунусов Чыңгыз Айтматовдун толук чыгармалар жыйнагын жана эстеликке башка белектерди тапшырды. Мектептин окуучулары Чыңгыз Айтматовдун “Саманчынын жолу” чыгармасынан театралдаштырылган үзүндүнү жана концерттик номерлерди тартуулашты.