2022-жылдын 24-ноябрында Кыргыз Республикасынын Өзбекстан Республикасындагы Атайын жана Ыйгарым укуктуу Элчиси Муса Джаманбаев Өзбекстан Республикасынын Президенти Шавкат Мирзиёевге Ишеним грамотасын тапшырды.

Өз сөзүндө Өзбекстан Республикасынын Президенти Ш.М.Мирзиёев Өзбекстандагы дипломатиялык миссиясынын башталышы менен куттуктап, ошондой эле өз ара урматтоо жана салттуу достук принциптерине негизделген кыргыз-өзбек кызматташтыгы динамикалуу өнүгүп жатканын канааттануу менен белгиледи.

Президент Ш.М.Мирзиёев менен болгон кыска баарлашуунун жүрүшүндө Элчи М.Джаманбаев Кыргызстан Өзбекстан менен ар тараптуу кызматташууну мындан ары өнүктүрүүгө өзгөчө маани берерин баса белгилеп, Президент Ш.М.Мирзиёевдин Кыргызстанга күтүлүп жаткан мамлекеттик сапары эки тараптуу өнөктөштүктү бекемдөөгө маанилүү өбөлгө түзөөрүнө ишеним артты.

Аземдин соңунда Өзбекстандын Президенти Ш.М.Мирзиёев достук жана көп кырдуу кызматташтык мамилелерди мындан ары да кеңейтүүгө багытталган дипломатиялык ишмердүүлүккө ийгиликтерди каалады.