2024-жылдын 14-майында Кыргыз Республикасынын Тышкы иштер министринин орун басары Айбек Молдогазиев Астанада өткөн «Борбордук Азия + Япония» Диалогунун жогорку кызмат адамдарынын 16-жыйынына катышты.

Жолугушуунун катышуучулары диалогдун алкагындагы маселелер боюнча пикир алмашып, кызматташуунун артыкчылыктуу багыттарын аныкташты, ошондой эле биргелешкен долбоорлорду ишке ашыруу боюнча демилгелер көтөрүлдү.

Тактап айтканда, Министрдин орун басары Айбек Молдогазиев өз сөзүндө Диалог иш-чараларынын жүрүшүндө макулдашууларды иш жүзүндө ишке ашыруу зарылдыгын белгилеп, ошондой эле Диалогдук аянтчада төрагалык кылуунун тартиби жана катчылыктын иштеши боюнча кыргыз тараптын көз карашы боюнча сунуштарды киргизди.

Жолугушуу 2024-жылы Борбордук Азиянын 5 өлкөсүнүн жана Япониянын мамлекет башчыларынын деңгээлинде өтө турган Биринчи Диалог Саммитинин алдында өтүү.

Маалымат үчүн: “Борбордук Азия + Япония” диалогу кызматташуунун жаңы багыттарын түзүүгө, ошондой эле биргелешкен долбоорлорду ишке ашырууга, ошону менен Япония менен Борбордук Азиянын ортосундагы мамилелерди жаңы деңгээлге көтөрүүгө багытталган көп тараптуу аянтча болуп саналат.