2024-жылдын 9-майында Кыргыз Республикасынын Швейцария Конфедерациясындагы Элчиси Омар Султанов Экинчи Дүйнөлүк Согуш учурунда курман болгон советтик жоокерлердин бейитине гүл коюу аземине катышты.

Аземинде ошондой эле Россиянын, Азербайжандын, Армениянын, Беларустун, Түркмөнстандын жана Өзбекстандын дипломатиялык миссияларынын башчылары катышты. Иш-чара Базель шаарындагы Хёрнли көрүстөнүндө Улуу Ата Мекендик согуштагы Жеңиштин 79 жылдыгына карата өттү.