2022-жылдын 13-июлунда Кыргыз Республикасынын Тышкы иштер министрлигинин Ош, Жалал-Абад жана Баткен облустарындагы Ыйгарым укуктуу өкүлчүлүгүнүн башчысы М.Апышов менен Россия Федерациясынын Ош шаарындагы Башкы консулу А.Бибишевдин жолугушуусу болуп өттү.

Жолугушуунун жүрүшүндө тараптар аймактар ​​аралык кызматташуу жана Кыргыз Республикасынын түштүгүндөгү шаарлардын жана облустардын Россия Федерациясынын аймактары менен боордош мамилелерин чыңдоо маселелерин талкуулашты.

Мындан тышкары, тараптар конкреттүү бизнес-долбоорлорду ишке ашыруу боюнча кызыкдар россиялык ишкерлер менен Кыргыз Республикасынын түштүгүндөгү ишкер чөйрөлөр ортосунда түз байланыштарды түзүү боюнча пикир алмашышты, ошондой эле Россиянын жарандарынын республиканын түштүк аймактарында жүрүүсүн талкуулашты.

Жолугушуунун соңунда маектештер мындан ары да тыгыз кызматташууну улантуу зарылдыгын белгилешти.