2022-жылдын 21-февралында Кыргыз Республикасынын Новосибирск шаарындагы Башкы консулдугу Кыргызстандын жарандарына консулдук мекеме аркылуу даярдалган биринчи улуттук айдоочулук күбөлүктөрдү берип баштады.

Консулдук округда (Новосибирск, Кемерово, Омск, Томск облустары, Алтай аймагы жана Алтай Республикасы) жүргөн Кыргыз Республикасынын жарандарына улуттук жана эл аралык айдоочулук күбөлүктөрдү алмаштыруу үчүн документтерди Башкы консулдук 2022-жылдын 17-январдан тарта кабыл ала баштады. Новосибирсктеги консулдукка Бишкекте жасалган алгачкы айдоочулук күбөлүктөр 19 февралдан баштап келе баштады.

Алгачкы жолу өз мекенинен алыстап жаңы улуттук айдоочулук күбөлүк алган мекендештер Кыргызстандын өлкө жетекчилигине жана мамлекеттик органдарына чын жүрөктөн ыраазычылыктарын билдиришти.

Аталган консулдук кызматты киргизүү Кыргыз Республикасынын Президенти С.Жапаровдун 2021-жылдын 29-январындагы №4 «Миграциялык абалды жакшыртууга багытталган чараларды көрүү жөнүндө» Жарлыгын аткаруу максатында, жарандарга жагымдуу шарттарды түзүү жана өнүктүрүү максатында ишке ашырылган. чет мамлекеттерде жүргөн Кыргыз Республикасынын жарандарынын болушун жеңилдетүү.