2022-жылдын 19-мартында Кыргыз Республикасынын Пакистан Ислам Республикасындагы Элчилиги Нооруз жаз майрамына карата уюштурулган «Nowruz Spring Festival» майрамдык иш-чарасына катышты.

Иш-чарага кабыл алуучу өлкөдө аккредитацияланган дипломатиялык өкүлчүлүктөрдүн мүчөлөрү катышып, түрк элдеринин маданиятын, турмушун, сувенирлерин, ошондой эле өз өлкөлөрүнүн улуттук тамак-аштарын жана суусундуктарын тартуулашты.

Фестивалдын алкагында майрамдык концерт уюштурулуп, анда Пакистандын маданият өкүлдөрү коноктордун алдында өз өнөрлөрүн тартуулашты.