2023-жылдын 6-майында Кыргыз Республикасынын Новосибирск шаарындагы Башкы консулдугу Новосибирск облусундагы кыргыз диаспорасы менен биргеликте Кыргыз Республикасынын Конституциясынын кабыл алынгандыгынын 30 жылдыгына карата кырк жаштан жогорку мекендештер арасында волейбол боюнча мелдеш өткөрдү.

Турнир Новосибирск областынын Бердск шаарындагы «Родина» спорт комплексинде өтүп, мелдешке Новосибирск, Москва, Иркутск, Омск, Томск областарынан, Красноярск жана Забайкалье аймактарынан келген мекендештердин командалары катышты.

Кыргыз Республикасынын Новосибирск шаарындагы Башкы консулу Айбек Айдарбеков куттуктоо сөзүндө катышуучуларды Кыргыз Республикасынын Конституциясынын кабыл алынгандыгынын 30 жылдыгы жана Жеңиш күнү менен куттуктады жана спорттук иш-чараны уюштурган демөөрчүлөргө жана катышуучуларга, ошондой эле Новосибирск областындагы кыргыз диаспорасына ыраазычылык билдирди.

Турнирдин жыйынтыгында Кыргыз Республикасынын Новосибирск шаарындагы Башкы консулдугу жеңүүчүлөргө дипломдорду жана эстелик белектерди тапшырды.