2024-жылдын 14-февралынан 16-февралына чейин КРнын Новосибирск шаарындагы Башкы консулдугунун көмөгү менен КРнын Саламаттык сактоо министри А.С.Бейшеналиевдин жана КРнын Жогорку Кеңешинин Социалдык саясат боюнча комитетинин төрагасынын орун басары - Жогорку Кеңештин депутаты А.Т.Маткеримовдун, КРнын «Кыргызфармация» мамлекеттик ишканасынын директору С.А.Алиевдин жана Дары-дармек жана медициналык буюмдар департаментинин өкүлдөрүнөн турган делегациясынын Новосибирск, Томск жана Омск шаарларына иш-сапарлары уюштурулду.

Иш сапардын максаты Новосибирск, Томск жана Омск облустарындагы фармацевтикалык ишканалардын потенциалы жана ассортименти менен таанышуу, «Кыргызфармация» мамлекеттик ишканасы менен Кыргыз Республикасына дары-дармектерди өндүрүүчүнүн баасы боюнча түз жеткирүү боюнча мүмкүн болгон келишимдерди түзүү болгон.

Иш сапардын алкагында Кыргыз Республикасынын Саламаттык сактоо министрлигинин делегациясы Новосибирск облусунун губернаторунун биринчи орун басары Ю.Ф.Петухов, Томск облусунун губернаторунун инвестициялык саясат жана мүлктүк мамилелер боюнча орун басары В.В.Потемкин жана Томск облусунун губернаторунун илимий-технологиялык өнүктүрүү боюнча орун басары Л.М.Огородова менен жолугушууларды өткөрдү. Жолугушуулардын жүрүшүндө «Кыргызфармация» мамлекеттик ишканасы менен Новосибирск жана Томск облустарынын фармацевтикалык ишканаларынын ортосунда турмуштук маанилүү дары-дармектерди Кыргыз Республикасына жеткирүү, медициналык илимий иштеп чыгуулар жана медициналык кадрларды даярдоо жаатында кызматташууну активдештирүү боюнча келишимдерди түзүү боюнча кызматташтыкты алып баруу маселелери талкууланды.

Иш сапардын алкагында КРнын Саламаттык сактоо министрлигинин делегациясы Сибирдеги ири фармацевтикалык ишканалардын жетекчилиги жана өкүлдөрү менен жолугушууларды өткөрдү, айтсак: Новосибирск шаарында «Обновление» КФК (Реневал), «Ангиолин» ААК, «Биотехнопарк» ААК, «Вектор Медика» ААК, «Медико-Биологиялык Бирикме» ЖЧК, «Сибирь фармакология жана биотехнология борбору» АК менен жолугушуулар өткөрүлдү; Томск шаарында - Сибирь мамлекеттик медициналык университети, «Ифар» ЖЧК, «Артлайф» ЖЧК, «Биолит» ЖЧК, «Наука, Технология, Медицина» ЖЧК, «ЛОРГЕ Медикал» ЖЧК, «НПО НИКОР» ААК, «Микроген» НПО АК, «Вирион» НПО, «НИИПП» ААК, Фармакология илим изилдөө институту, «Медлайн» ЖЧК, «ЛМЕ Биоток»; Омск шаарында – «НПП Метромед» ЖЧКсы, «Биомедсервис» ЖЧКсы, «Акрихин» ЖЧКсы, «Медсэйл» ЖЧКсы, «Невский Медикал Системс» ЖЧКсы, «СПК Елусан» ЖЧКсы жана «Модерн медициналык технологиялар» ЖЧКсы.

Кыргыз делегациясы аталган фармацевтикалык ишканалардын жана медициналык компаниялардын ассортименти жана мүмкүнчүлүктөрү менен таанышып, өндүрүшчүлөрдүн баалары боюнча жашоо үчүн маанилүү дары-дармектерди түз жеткирүү, Кыргызстандын саламаттыкты сактоо уюмдарынын керектөөлөрүн канааттандыруу жана аларды «Эл Аман» мамлекеттик аптека тармагы аркылуу фармацевтикалык продукцияны арзан баада сатуу боюнча узак мөөнөттүү кызматташтыкты түзүү маселелерин талкуулашты.

КР Саламаттык сактоо министрлигинин делегациясынын иш сапарын уюштурууга КРнын Омск шаарындагы ардактуу консулу Н.Исабек уулу жана КРнын Томск шаарындагы ардактуу консулу Р.Абдуманапов көмөк көрсөтүштү.