2019-жылдын 29-февралында Кыргыз Республикасынын Түркия Республикасындагы Элчилигинин көмөгү менен Кыргыз Республикасынын инвестицияларды илгерилетүү жана коргоо боюнча Агенттигинин директору Шумкарбек Адилбек уулунун Анкара шаарына сапары болуп өттү. Сапардын алкагында, Шумкарбек Адилбек уулу Түркиянын палаталар жана биржалар биримдигинин Төрагасынын орун басары Фаик Явуз жана Анкара шаарынын «ОСТИМ» өнөр жай зонасынын башкарма Уюмунун Төрагасы Орхан Айдын менен жолугушууларды өткөрдү.

Жолугушуу учурунда, Кыргыз Республикасынын жана Түркия Республикасынын ортосундагы соода-экономикалык тармактагы кызматташтыкты бекемдөө маселелери талкууланды, ошондой эле Кыргызстандын мүмкүнчүлүктөрү боюнча маалыматтар берилди.

Кыргыз Республикасынын инвестицияларды илгерилетүү жана коргоо боюнча Агенттигинин директору Шумкарбек Адилбек уулунун Түркиянын палаталар жана биржалар биримдигинин Төрагасынын орун басары Фаик Явуз жана Анкара шаарынын «ОСТИМ» өнөр жай зонасынын башкарма Уюмунун Төрагасы Орхан Айдын менен болгон жолугушууларынын жыйынтыгында Кызматташтык жөнүндөгү меморандумга кол коюлду.

Мындан тышкары, 2019-жылдын 20-февралында Стамбул шаарында Түркия Республикасынын тышкы экономикалык иштер боюнча Кеңешинде (DEIK) Кыргыз Республикасынын инвестициялык мүмкүнчүлүктөрүн, ошондой эле айыл чарба жана энергетика тармактарындагы инвестициялык долбоорлорду илгерилетүү боюнча инвестициялык роуд-шоу көргөзүлдү.