2019-жылдын 28-майында Кыргыз Республикасынын Түркиядагы Атайын жана Толук Ыйгарым Укуктуу Элчиси Кубанычбек Омуралиевдин Түркиянын Улуу Улуттук Жыйынынын Эл аралык Комитетинин Төрагасы Волкан Бозкыр менен жолугушуусу болуп ѳттү.

К.Омуралиев жана В.Бозкыр парламенттер аралык кызматташтыктын маанилүүлүгүн баса белгилешти жана үстүбүздѳгү жылда Кыргыз Республикасынын Жогорку Кеӊешинин Тѳрагасы Д.Жумабековдун Түркияга боло турган сапарынын болжолдуу мѳѳнѳтүн талкуулашты.

Акыркы учурдагы Кыргызстан менен Түркиянын парламенттеринин профилдик Комитеттеринин иш байланыштарынын жок болгондугуна байланыштуу, К.Омуралиев жана В.Бозкыр тараптардын ѳз ара сапарларынын актуалдуулугун баса белгилеп кетишти.

Түрк тарап үстүбүздѳгү жылдын октябрь айында Кыргыз Республикасынын Жогорку Кенешинин Эл аралык иштер, коргоо жана коопсуздук Комитетинин делегациясынын Түркияга сапарын сунуштады.