Кыргыз Республикасынын Түркия Республикасындагы Элчилиги Анкара шаарында жашаган студенттер жана кыргыз диаспорасынын активисттери үчүн «ифтар - ооз ачуу» өткөрдү. Иш-чарага 100дөн ашык адам катышты.

Майрамдык иш-чаранын жүрүшүндө Кыргызстандын Түркиядагы элчиси Р.Казакбаев чогулгандарды бардык мусулмандар үчүн өзгөчө мааниге ээ болгон ыйык Рамазан айы менен куттуктап, Түркияда жашап жана окуп жаткан кыргыз жарандарынын арасында биримдикти, өз ара түшүнүшүүнү жана өз ара жардамдашууну сактоонун маанилүүлүгүн баса белгиледи. Ошондой эле ал жакшы билим алып, сапаттуу тажрыйбаны топтоп, кийин Кыргыз Республикасынын пайдасына пайдалануу зарылдыгын белгиледи.