2024-жылдын 24-апрелинде Кыргыз Республикасынын Түркия Республикасындагы Атайын жана Ыйгарым укуктуу Элчиси Руслан Казакбаев Анкара шаарынын Кечиорен муниципалитетинин башчысы Месут Озарслан менен жолугушту.

Элчи Р.Казакбаев Месут Озарсланды 2024-жылдын 31-мартында Түркиянын бардык аймагында ийгиликтүү өткөн шайлоо менен куттуктады.

Тараптар эки өлкөнүн муниципалитеттери менен шаарларынын ортосундагы боордош шаарлардын мамилелерин кеңейтүү боюнча сунуштарды, ошондой эле Кыргыз Республикасы менен Түркиянын ортосундагы эки тараптуу соода-экономикалык, маданий-гуманитардык жана инвестициялык кызматташтыкты өнүктүрүүнүн перспективаларын талкуулашты.