ЖАРАНДЫКТАН ЧЫГУУ

Кыргыз Республикасынын жарандыгын токтотуу үчүн төмөнкү документтерди тапшыруу зарыл:

* Документтер үч (3) нускада берилиши керек.

1. Арыздын бланкы түзүлгөн датасын көрсөтүү менен арыз ээси тарабынан жеке кол коюлушу керек (Анкета Link to file).

2. Түстүү сүрөттөр 3×4 см өлчөмүндө.

3. Кыргыз Республикасынын жаранынын жарандык паспортунун башкы бетинин көчүрмөсү.

4. Туулгандыгы тууралуу күбөлүктүн көчүрмөсү.

5. Нике күбөлүгүнүн, никени бузуу жөнүндө күбөлүктүн, жубайдын өлгөндүгү жөнүндө күбөлүктүн көчүрмөсү же жубайын каза болду же дайынсыз жоголду деп таануу жөнүндө соттун чечими - тиешелүү учурларда.

6. Кыргыз Республикасынын салык органынын (Кыргыз Республикасынын аймагындагы акыркы жашаган жери боюнча) салык карызынын жоктугу жөнүндө документи (барлар үчүн) (1 түп нуска жана 2 көчүрмө).

Бул күбөлүк эки жол менен алынышы мүмкүн:

1) Кыргызстандагы туугандары/достору/тааныштары менен байланышуу аркылуу. Эгерде Кыргызстандын салык органы сиздин атыңыздан ишеним катты талап кылса, анда сиз биздин консулдук мекемеге ишеним кат жасашыңыз керек (НОТАРИАЛДЫК СУРООЛОР бөлүмүн караңыз).

2) Элчилик аркылуу Кыргызстандын салык органынан маалымкат талап кылуу (ТАЛАПТАР бөлүмүн караңыз). Бул арыз жана Кыргызстандан мындай күбөлүктүн иш жүзүндө алынышы орто эсеп менен 3-4 айга созулат.

1. Немис жарандыгын тастыктаган документтин көчүрмөсү (Personalausweis) же арыз берүүчүгө Германиянын жарандыгын берүү мүмкүнчүлүгүн тастыктоо (Einbürgerungszusicherung), Кыргыз Республикасынын жарандыгынан чыккан учурда (орус же кыргыз тилдерине котормосу менен).

2. Консулдук жыйымдын төлөнгөндүгүн тастыктоо:

- 60 жашка чейин жарандарга - 510 АКШ доллары;

- 60 жаштан жогорку жарандарга - 255 АКШ доллары.

Төлөм www.bundesbank.de сайтында көрсөтүлгөн расмий алмашуу курсу боюнча евро валютасында Элчиликтин/Консулдуктун эсебине которуу жолу менен жүргүзүлөт.

МААНИЛҮҮ ЖАГДАЙ: Элчиликте/Консулдукта төлөм ЖҮРГҮЗҮЛБӨЙТ!

МААНИЛҮҮ ЖАГДАЙ: НАКТАЛАЙ АКЧА ТӨЛӨӨ МҮМКҮН ЭМЕС!

ЭСКЕРТҮҮ: төлөмдүн же квитанциянын тастыктамасы жок болсо, документтер кабыл алынбайт!

 

Банк реквизиттери:

Кыргыз Республикасынын Германиядагы - Берлиндеги Элчилигине кайрылууда:

Botschaft der Kirgisischen Republik

IBAN: DE60 1008 0000 0519 8999 00

Verwendungszweck: Ausbürgerung аты жана фамилиясы

 

ЭСКЕРТҮҮ: Польшада, Швецияда, Норвегияда, Данияда жашаган жарандар үчүн Элчилик консулдук жыйымдарды евродогу ички жана эл аралык төлөмдөрдүн ортосундагы айырмачылык толугу менен жоюлган бирдиктүү аймак - SEPA аркылуу которууну сунуштайт (кошумча төлөмдү болтурбоо үчүн жыйымдар)!

_______

Кыргыз Республикасынын Франкфурт-на-Майне шаарындагы Консулдук агенттигине кайрылганда:

Botschaft der Kirgisischen Republik

SWIFT-BIC: DRES DE FF

IBAN: DE36 5008 0000 0983 8958 00

Verwendungszweck: Ausbürgerung аты жана фамилиясы

 

МААНИЛҮҮ ЖАГДАЙ:

1. Чет тилиндеги документтер сөзсүз түрдө нотариалдык жактан кыргыз же орус тилдерине которулуп, апостиль коюлушу/легалдаштырылышы керек:

- эгерде документ Польшада, Швецияда, Норвегияда, Данияда берилсе - кыргыз же орус тилдерине нотариалдык жактан күбөлөндүрүлгөн котормосу жана АПОСТИЛ мөөрү менен.

- эгерде документ Германияда берилген болсо - кыргыз же орус тилдерине нотариалдык жактан күбөлөндүрүлгөн котормосу менен жана zuständigem Regierungspräsidium für weitere LEGALISIERUNG im Konsulat тарабынан күбөлөндүрүлгөн.

1. Эгерде жогоруда көрсөтүлгөн бардык документтер болгондо гана өтүнмөлөр иштеп чыгууга кабыл алынат жана өтүнмө ээси бардык зарыл документтерди берген күндөн тартып кароого кабыл алынды деп эсептелет;

2. Өтүнмө ээсинин жалган документтерди берүүсү же атайылап жалган маалыматтарды берүүсү арызды кабыл алуудан баш тартуу үчүн негиз болуп саналат.

3. Арызды кароонун жана Кыргыз Республикасынын Президентинин тиешелүү Жарлыгын чыгаруунун мөөнөтү 6 айдан 1 жылга чейин.

4. Арыз канааттандырылбаган учурда консулдук жыйым арыз ээсине кайтарылып берилбейт.

 

Эгерде арыз берүүчү бир эле учурда жашы жете элек балдардын Кыргыз Республикасынын жарандыгынан чыгуусу жөнүндө арыз менен кайрылса, анда мыйзамда каралган жагдайларга жараша төмөнкүлөр берилет:

1. туулгандыгы тууралуу күбөлүк, камкорчулук же көзөмөлчүлүк кылуу, ата-энелик укуктан ажыратуу;

2. эгерде ата-энесинин же камкорчуларынын бири Кыргыз Республикасынын жараны болуп калса, баланын жарандыгын токтотууга же сактап калууга тараптардын Кыргыз Республикасынын дипломатиялык өкүлчүлүгү же консулдук мекемеси тарабынан күбөлөндүрүлгөн жазуу жүзүндөгү макулдугу;

3. 14 жаштан 18 жашка чейинки балдардын жарандыгын өзгөртүүгө Кыргыз Республикасынын дипломатиялык өкүлчүлүгү же консулдук мекемеси тарабынан күбөлөндүрүлгөн жазуу жүзүндөгү макулдугу.

Эгерде сөз жашы жете элек балдардын ата-энелеринин/камкорчуларынын Кыргыз Республикасынын жарандыгынан чыкпастан, Кыргыз Республикасынын жарандыгынан чыгуу зарылчылыгы жөнүндө болсо, анда бул учурда жашы жете элек балдардын жарандыгынан чыгуу жөнүндө арыз дагы эле ата-энелеринин/камкорчуларынын атынан берилүүгө тийиш. Ошол эле учурда документтерге ата-энесинин/камкорчуларынын наамына Кыргыз Республикасынын салык органдарынан маалымкат тиркелет.

Суроолор боюнча электрондук почта аркылуу кайрылыңыз:

Berlin, Hamburg, Brandenburg, Sachsen, Sachsen-Anhalt, Mecklenburg-Vorpommern, Schleswig-Holstein, Niedersachsen, Bremen, Дания, Польша, Норвегия, Швеция: kgconsulate.berlin@mfa.gov.kg электрондук почтасы аркылуу.

Hessen, Bayern, Saarland, Baden-Württemberg, Rheinland-Pfalz, Nordrhein-Westfalen, Thüringen: kgconsulate.frankfurt@mfa.gov.kg электрондук почта аркылуу