2019-жылдын 4-сентябрында Кыргыз Республикасынын Түркиядагы Элчилиги Анкара шаарынын Этимесгут муниципалитети менен биргеликте уюштурулган ар жылда ѳткѳрүлүп келе жаткан 16-чы Эл аралык Анадолу күндѳрүнүн маданият Фестивалынын алкагында  “Кыргызстан күнүн таанытуу” иш чарасын ѳткѳрдү.

Иш чарада Элчилик Кыргызстандын туристтик мүмкүнчүлүктөрү тууралуу маалымат китепчелери жана кол өнөрчүлүк буюмдары менен кооздолгон "Кыргыз үйү" жасалды. Ошондой эле, иш чарада Кыргыз Республикасынын Эл артисти К.Абыловдун тобу жана Анталья шаарындагы кыргыз диаспорасынын ичиндеги кыргыз таланттары катышты.

Иш чарага Этимесгут муниципалитетинин Башчысы Э.Демирель, жергиликтүү өз алдынча башкаруу органдарынын депутаттары, башка шаарлардын жетекчилери, Түркиянын министрликтеринин жана ведомстволорунун өкүлдөрү, дипломатиялык ѳкүлчүлүктѳр, кыргыз студенттери, ошондой эле Түркиянын аймагында жашаган кыргыз жарандарынын диаспораларынын өкүлдөрү катышты.