2019-жылдын 22-мартында Стамбул шаарында Кыргыз Республикасынын Түркия Республикасындагы Элчилиги Ислам Кызматташтык Уюмунун Аткаруу комитетинин мүчө-өлкөлөрүнүн Өзгөчө жыйынына катышты.

        Ушул жылдын 15-мартында террористтик актка байланыштуу, Түркия тарабынан демилгеленген жыйын, ислам дүйнөсүнүн Жаңы Зеландиянын мусулмандары менен тилектеш экендигин билдирди.

        Жыйындын жыйынтыктары боюнча теги мусулман чет өлкөлүктөргө касттык мамиле жана ксенофобияга каршы позициялар жана чаралар көрсөтүлгөн коммюнике кабыл алынды.

        Жыйындын ишинде Түркиянын Тышкы иштер министри Мевлют Чавушоглу (Төрага), Ислам Кызматташтык Уюмунун Башкы катчысы Юсиф бин Ахмед эль-Усеймин, Жаңы Зеландиянын Вице-премьер министри- Тышкы иштер министри Уинстон Петерс, Ислам Кызматташтык Уюмунда мүчө-өлкөлөрдүн тышкы саясий ведомстволорунун  жетекчилери жана өкүлдөрү катышты.

Түркиянын Президенти Р.Т.Эрдоган жыйындын катышуучуларына чыгып сүйлөдү.