2021-жылдын 15-сентябрында Кыргыз Республикасынын Түркия Республикасындагы Элчиси Кубанычбек Өмүралиев Анкара шаарынын Чубук муниципалитетинин башчысы Баки Демирбаш менен жолугушту.

Тараптар ар кандай тармактарда кызматташтыкты мындан ары өнүктүрүү зарылдыгын белгилешти, ошондой эле Чубук муниципалитетинде Курманжан Датка паркын ачуу жана анда анын эстелигин орнотуу боюнча мурда жетишилген макулдашууну ырасташты.