2019-жылдын 25-апрелинде Кыргыз Республикасынын Түркия Республикасындагы Атайын жана Толук Ыйгарым укутуу Элчиси Кубанычбек Омуралиев Түркия Республикасынын Президенти Режеп Тайип Эрдоганга Ишеним грамотасын тапшырды.

Аталган жолугушууда, Кыргыз Республикасынын Элчиси К.Омуралиев Кыргыз Республикасынын Президенти С.Жээнбековдун саламын баса белгилеп, эки боордош элдердин эки тараптуу кызматташуусунун бардык тармактарына чоң маани берээрин белгиледи. Ошону менен катарэкономика, саясат, туризм, илим билим жана башка тармактарын баса белгилеп кетти.

Өз кезегинде, Р.Т. Эрдоган Кыргызстан менен Түркиянын боордош жана дос өлкөлөр экенин белгилеп, Кыргыз Республикасынын Атайын жана Толук Ыйгарым укутуу Элчисинин дипломатиялык миссиясынын башталышы менен куттуктады. Түркиянын Президенти Кыргызстан менен Түркиянын ортосундагы достук мамилелердин мындан ары дагы бекемделишине жана кеңейүүсүнө ишенээрин билдирди.