Бүгүн залкар жазуучу, коомдук ишмер жана дипломат Чынгыз Айтматовдун дүйнөдөн кайткандыгына 12 жыл толду.

Ушуга байланыштуу Кыргыз Республикасынын Түркия Республикасындагы Атайын жана Ыйгарым укуктуу Элчиси Кубанычбек Өмүралиев улуу жазуучунун Анкара шаарынын Кечиөрен муниципалитетиндеги эстелигине гүл коюп эскерди.

Өлкөнүн расмий адамдары, анын ичинде Түркия Республикасынын Президентинин башкы кеңешчиси Ялчын Топчу, Анкара шаарынын Мэри Мансур Яваш, Чет ѳлкѳдѳгү түрктѳр жана тууган коомчулуктар Башкармалыгынын (YTB) Тѳрагасы Абдуллах Эрен жана башкалар бул тууралуу маалыматты социалдык тармактагы өздөрүнүн жеке баракчаларына жайгаштыруу менен эскеришти.