Эки өлкөнүн ортосунда жетишилген макулдашууларга ылайык, ошондой эле Кыргыз Республикасынын Өкмөтүнүн 2020-жылдын 4-августундагы №267-р буйругунун негизинде, 2020-жылдын 7-августунан тартып туруктуу аба каттамдар төмөнкү багыттар боюнча аткарыла баштайт.

• «Авиа Траффик» авиакомпаниясы Бишкек—Стамбул—Бишкек багыты боюнча аптада 2 жолу, Бишкек—Анталья—Бишкек багыты боюнча аптада бир жолу;
•  «Түрк Аба жолдору» авиакомпаниясы Стамбул—Бишкек—Стамбул багыты боюнча аптада 2 жолу;
•  «Пегасус» авиакомпаниясы Стамбул—Бишкек—Стамбул багыты боюнча аптада 2 жолу.

Эсиңиздерге сала кетсек, коронавирустун жайылуусуна байланыштуу, 2020-жылдын 20-мартынан тартып, Кыргызстандын аймагында бардык эл аралык каттамдар токтотулган, жарандарды мекенине кайтаруу үчүн чартердик рейстер гана аткарылган.