2022-жылдын 29-майында Кыргыз Республикасынын Болгариядагы, резиденциясы Киев шаарында жайгашкан, Элчилиги Болгариянын аймагында жашап жаткан жарандарга консулдук кызматтарды көрсөттү.

Элчилик паспорт, Мекенге кайтуу күбөлүктөрүн тариздөө, жеке идентификациялык номерлерди ыйгаруу, Болгариянын бийлик органдарына көрсөтүү үчүн зарыл болгон маалымкаттарды жасоо боюнча кызматтарды көрсөтүп, ошондой эле консулдук каттоого жарандарды алды.

Мындан тышкары, жарандарга Элчиликтин ишмердүүлүгү жана Кыргыз Республикасынын мыйзамдарына киргизилген өзгөртүүлөр тууралуу маалымат берилди.

Консулдук кызмат 2022-жылдын 30 жана 31 майында дагы уланат, дареги: София шаары, Будапешт көчөсү 92, телефон: +380997573413 (WhatsApp).