Урматтуу мекендештер,

Сиздерди өлкөбүздүн тарыхындагы эң маанилүү күндөрдүн бири – Кыргыз Республикасынын Эгемендүүлүк күнү менен чын дилимден куттуктаймын.

Өз алдынча түтүн булатып, дүйнө мамлекеттеринин катарында татыктуу ордун тапкан мамлекетибиздин расмий пайдубалынын түптөлгөнүнө 30 жыл болду. Бул жылдар ичинде эгемендүүлүгүбүздү жана демократиялык баалуулуктарды оор сыноолорго карабастан туруктуу коргой алдык. Дүйнөлүк алкакта өз позициябызды билдирип, башка мамлекеттер жана ири эл аралык уюмдар менен бекем байланыштарды түздүк.  

Өлкөбүздүн өнүгүүсү, элибиздин бакубат жашоосу үчүн мындан ары дагы талыкпай иштеп, эмгектене беребиз.

Ата-бабаларыбыз сактап келген куттуу жерибиз өркүндөп өссүн! 

Сиздерге жана үй-бүлөңүздөргө бекем ден-соолук, бакубатчылык, майрамдык маанай каалайм!

                                                                                                                                                      Сиздерди урматтап,

                                                                                                                                                      Элчи Т. К. Макеев