2019 – жылдын  29- 31-июлунда   Кыргыз Республикасынын Иран Ислам Республикасынын Атайын жана Толук Ыйгарым укуктуу Элчиси Авазбек Абдуразаков  Исфахан шаарына таанышуу иш сапары менен барып келди.

Иш сапардын алкагында  Кыргызстандын Элчиси Исфахан шаарынын  бир катар өнөр жай ишканаларын, алдынкы медициналык борборлорун, "Armin Ofogh Холдинг" инвестициялык компаниясын  ошондой эле КМШ өлкөлөрүнүн илимий-изилдөө борбору менен таанышты.

Жолугушуу учурунда тараптар эки өлкөнүн  медициналык клиникаларынын кызматташуу мүмкүнчүлүктөрүн, мугалимдер менен окуучулардын алмашуусу  жана эки өлкөнүн тарыхы боюнча биргелешкен  изилдөөлөрдү өткөрүү тууралуу  ойлорду талкуулашты.

Сүйлөшүүлөрдүн жыйынтыгында тараптар,  айыктыруучу дары тармагында кызматташтыкты түзүү үчүн, Кыргызстандын экономикасына инвестиция салуу, Исфахан шаарына  кыргызстандык фарс тилин окуган  студенттерди  перс тилин окутууга  жиберүү жана   Кыргыз Республикасынын жогорку окуу жайларынын мугалимдери үчүн перс тилин жогорулатуу  курстарын өткөрүү, ошондой эле Исфахан шаарына  Кыргызстанды   изилдөө борборун ачуу үчүн  алдын ала  макулдашышты.