2022-жылдын 3-ноябрында Кыргыз Республикасынын Ош эл аралык аэропортуна Бириккен Араб Эмираттарынын Дубай эл аралык аэропортунан кошумча каттам ачылаары

пландаштырылууда.

Ошого байланыштуу, Кыргыз Республикасынын Дубай жана Түндүк Эмираттарындагы Башкы консулдугу «Emirates Airlines» авиакомпаниясынын биринчи вице-президенти шейх Мажид Аль-Мауалага жана «Fly Dubai» авиакомпаниясынын башкы директору Гэйт Аль-Гэйт мырзага жемиштүү кызматташуусу үчүн ыраазычылык билдирет.

Кыргыз Республикасы менен БАЭ ортосундагы авиация чөйрөсүндөгү кызматташтык экономикалык дипломатияны жана Кыргыз Республикасынын туристтик потенциалын өнүктүрүүнүн стратегиялык багыты болуп саналат, бул биздин өлкөнү сунуш кылынган туристтик тармактардын тизмесинде бекитүүгө себеп болуп, андан ары Тамчы шаарындагы «Ысык-Көл» эл аралык аэропортуна Эмираттан түз каттам ачылаарына

өбөлгө болот.