2023-жылдын 10-июлунда Кыргыз Республикасынын Башкы консулу Тимур Абдижалил Дубайдын Жарандык авиация башкармалыгынын төрагасы, «Emirates Group» башкы директору жана төрагасы, «Dubai Airports» төрагасы, Жогорку каржы комитети жана Дубайдын Аткаруу кеңешинин төрагасынын орун басары шейх Ахмад бин Саид Аль Мактум менен жолугушту.

Жемиштүү жолугушуунун жүрүшүндө авиация тармагындагы эки тараптуу кызматташтыкты арттыруунун мындан аркы перспективалары, “ЭЭА” эркин экономикалык аймактары, туристтик потенциалды өнүктүрүү, ошондой эле Кыргыз Республикасы менен Бириккен Араб Эмираттарынын ортосундагы өз ара кызыкчылык туудурган башка багыттар талкууланды.