2024-жылдын 16-январында Кыргыз Республикасынын Башкы консулу Тимур Абдижалил Бириккен Араб Эмираттарынын Анвар Гаргаш атындагы Дипломатиялык академиясынын чакыруусу менен «Келечекти калыптандыруу: Глобалдык чакырыктарды чечүүдөгү БАЭнин гуманитардык дипломатиясынын ролу» аттуу диалогуна катышты.

Бул сессиянын жүрүү алкагында Кыргыз Республикасынын Башкы консулу БАЭ «DIHAD» туруктуу гуманитардык уюмунун төрагасы доктор Абдусалам Аль-Мадани менен баарлашып, анын жүрүшүндө Кыргыз Республикасында гуманитардык дипломатия долбоорлорун үстүбүздөгү 2024-жылы ишке ашыруу боюнча макулдашууга жетишилди.

Талкуу сессиясында Бириккен Араб Эмираттарынын Анвар Гаргаш атындагы Дипломатиялык академиясынын башкы директорунун орун басары, доктор Мухаммад Ибрахим Аль-Захри, Дубайдагы Эл аралык гуманитардык шаардын аткаруучу директору Жусепо Саба, «IRENA» Эл аралык кайра жаралуучу энергия агенттигинин Туруктуу өкүлү, Швейцариянын БАЭдеги жана Бахрейн Королдугундагы элчиси Арс Матли мырзарал чыгып сүйлөштү жана Бириккен Араб Эмираттарынын көп кырдуу глобалдык көйгөйлөрдү чечүүдөгү туруктуу гуманитардык дипломатияга болгон жардам мамилесин ишке ашыруудагы негизги ролун белгилешти.