Бүгүн, 2021-жылдын 19-февралында, Кыргыз Республикасынын Италиядагы Элчилигинде Кыргызстандын жарандары Бактыбек уулу Азат менен Бактыбай кызы Берметтин никеси катталды. Кыргыз Республикасынын Италиядагы убактылуу ишенимдүү өкүлү Э.Исаков жаш жубайларга Кыргыз Республикасынын никелешүү тууралуу күбөлүгүн тапшырып, аларды турмушундагы маанилүү иш-чарасы менен куттуктады. Элчилик жаңы кыргыз үй-бүлөсүнө бекем биримдик, өз ара түшүнүшүү жана үй-бүлөлүк ынтымак каалады.