Кыргыз Республикасынын Президентинин 2021-жылдын 29-январындагы №4 «Миграциялык абалды жакшыртууга багытталган чараларды көрүү жөнүндө» Жарлыгын ишке ашыруунун алкагында, ошондой эле Элчилик тарабынан жүргүзүлүп жаткан иштерди кеңейтүү максатында Италияда жашаган жарандардын укуктарын жана кызыкчылыктарын коргоону камсыз кылуу, 2021-жылдын 15-16-майында Кыргыз Республикасынын Италиядагы Элчилиги Италиянын Кальяри шаарына консулдук иш сапарын өткөрдү, анда көп сандагы Кыргызстандын жарандары жашайт.
Кальяриге болгон иш сапарынын жүрүшүндө 70ке жакын адам документтештирүүнүн ар кандай маселелери – жалпы (чет элдик) паспортторду, ички паспортторду (ID-карталарды), туулгандыгы тууралуу күбөлүктөрдү жаңыртуу боюнча тейленди. Мындан тышкары, жарандарга нотариалдык кызматтар көрсөтүлдү - ишеним каттарды даярдоо жана берүү, ошондой эле италиялык мамлекеттик жана муниципалдык мекемелерге көрсөтүүнү талап кылган ар кандай маселелер боюнча бир катар консулдук күбөлүктөр.
Консулдук иш сапарынын жүрүшүндө элчилик консулдук каттоого туруу үчүн биометрикалык маалыматтарды кийин тапшыруу менен көп сандагы арыздарды кабыл алды.
Учурдан пайдаланып, Элчилик Сардиния аралында жашаган Кыргыз Республикасынын бардык жарандарына Элчиликтин иш сапарынын жүрүшүндө көрсөткөн активдүүлүгү үчүн ыраазычылык билдирет.
Ошондой эле, Кальяри шаарындагы Эльмира Ногоевага жана Миргүл Өмүралиевге Сардиния аралындагы уюштуруу иштерине көрсөткөн жардамы үчүн Кыргызстандын Италиядагы Элчилигинин атынан өзгөчө ыраазычылык билдирилет.