2022-жылдын 22-июлунда Кыргызстандын Римдеги Бириккен Улуттар Уюмунун Азык-түлүк жана айыл чарба уюмунун алдындагы (ФАО) Туруктуу өкүлчүлүгүндө «Тоолуу аймактарды өнүктүрүү боюнча беш жылдык иш-аракеттер» Концепциясынын бет ачары боюнча иш-чара болуп өттү, ага ФАОго мүчө мамлекеттердин өкүлдөрү катышты.

Өз сөзүндө КРдин ФАОдогу Туруктуу өкүлү Таалай Базарбаев Кыргызстандын тоолуу күн тартибин илгерилетүүдөгү, беш жылдык пландын концепциясын иштеп чыгуудагы алдыӊкы ролу жана кыргыз тарап өткөргөн иш-чаралар тууралуу айтып, үстүбүздөгү жылдын сентябрында БУУнун Башкы Ассамблеясынын 77-сессиясынын жалпы дебаттарынын чегинде кыргыз тарап КРдин Президенти С.Жапаровдун катышуусунда тоолорду туруктуу өнүктүрүү боюнча жогорку деңгээлдеги жолугушууну, ошондой эле БУУнун Башкы ассамблеясынын тоо кызматташтыгы боюнча жаңы резолюциясын алдыга коюну пландаштырууда экенин белгиледи.

Иш-чаранын жүрүшүндө КРдин Туруктуу өкүлчүлүгү Кыргызстандын тоолору тууралуу видеороликти көрсөттү, ошондой эле «Тоолуу аймактарды өнүктүрүү боюнча беш жылдык иш-аракеттер» Концепциясы анын максаттарын жана милдеттерин жана тоо маселелерин өнүктүрүү боюнча кыргыз тараптын белгиленген пландарын кеңири түшүндүрүү менен көрсөтүлдү.

Иш-чаранын коноктору Кыргызстандын тоо-кен тармагындагы күн тартибиндеги маселелерди илгерилетүүдөгү алдыңкы ролун белгилешип, бул ишти БУУга мүчө бардык мамлекеттердин биргелешкен аракеттери менен улантуунун маанилүүлүгүн белгилешти. Бул контекстте кыргыз тараптын Нью-Йоркто КРдин Президентинин катышуусунда тоолорду туруктуу өнүктүрүү боюнча Жогорку деңгээлдеги жолугушууну уюштуруу ниети оң белгиленди. Иш-чаранын катышуучулары БУУнун Башкы ассамблеясынын тоо маселелери боюнча жаңы резолюциясын иштеп чыгуунун алкагында мындан аркы иштерде кыргыз тарапты колдоорун билдиришти.