2022-жылдын 13-ноябрында Рим шаарында Казакстандын Италиядагы Элчилиги өзүнүн футбол талаасында футбол боюнча мелдеш уюштурду. Мелдешке Казакстан, Кыргызстан жана Өзбекстан Элчиликтеринин командалары жана Борбордук Азия өлкөлөрүнүн Элчиликтеринин курама командасы катышты.

Турнирдин ачылышында, бул футбол чемпионатын өткөрүү дипломатиялык өкүлчүлүктөрдүн ортосундагы достукту бекемдөөгө багытталганын, мелдештин катышуучулары баса белгиледи.

Турнирде биринчи орунду Казакстандын Италиядагы Элчилигинин командасы ээлеп, финалда Кыргызстандын Элчилигинин командасын 2:1 эсебинде утту. Үчүнчү орунду Өзбекстандын Элчилигинин командасы ээлеп, Борбор Азиядан келген команданы 2:0 эсебинде утуп алды.

Өз кезегинде кыргызстандык жана өзбекстандык дипломаттар Казакстандын Италиядагы Элчилигине турнирди уюштургандыгы үчүн ыраазычылык билдирип, мындай иш-чара келечекте жакшы салтка айланып, Италиядагы дипломатиялык өкүлчүлүктөрүбүздүн ортосундагы достукту чыңдоого көмөктөшөт деген ишенимин билдиришти.