2019-жылдын 30-апрелинде Кыргыз Республикасынын Түркия Республикасындагы Атайын жана Ыйгарым Укуктуу Элчиси Кубанычбек Омуралиев Түркиянын Улуу Улуттук Жыйынын депутаты, башкаруудагы Адилеттүүлүк жана Өнүгүү партиясынын Төрагасынын орун басары, аталган партиянын эл аралык байланыштарын тейлеген Джевдет Йылмаз менен жолукту.

Жолугушуунун алкагында тараптар Кыргызстан менен Түркиянын инвестиция жана экономика тармактарында кызматташуусу боюнча макулдашышты.Тагыраак айтканда Кыргызстанда ГЭС куруу жана Бишкек менен Оштун эл аралык аэропортторунун инфраструктурасын жакшыртуу үчүн мамлекеттик-жеке өнөктөштүктү колдонуу жана инвестиция тартып келүү боюнча макулдашуулар болду.