2022-жылдын 19-мартында Кыргыз Республикасынын Кувейт Мамлекетиндеги Элчилиги Нооруз майрамына карата “Жазгы фестиваль” жана Элчилик жайгашкан өлкөнүн Улуттук күнү майрамына карата уюштурулган салтанатка катышты. Борбордук Азия мамлекеттеринин элчиликтери жана Кувейтте аккредитацияланган 36 башка элчилик жана өкүлчүлүктөрдүн катышуусунда өткөрүлдү.

Эль-Кувейт шаарындагы “Абраж” паркында өткөн иш-чарада Элчилик тарабынан ак боз үй жана кыргыз маданиятынын павильону орнотулуп, анда ата мекендик буюмдар, улуттук кийимдер, сувенирлер, тамак-аштар жана таттуулар көрсөтүлдү. Павильондун конокторуна Кыргызстандын туристтик потенциалы тууралуу маалымат берилип, Кувейттен Бишкекке жана Ошко түз үзгүлтүксүз аба каттамдары тууралуу маалымат берилип, ошондой эле сувенирлер, таттуулар жана суусундуктар таратылды.

Фестивалга Кувейтте жашаган мекендештер активдүү катышып, алар кыргыз буюмдарын көрсөтүү жана жайылтуу менен бирге концерттик программага катышып, комузда кыргыз ырларын аткарып, улуттук бийлерди тартуулашты. Иш-чаранын катышуучулары жана коноктору Кувейттин алдыңкы ЖМКлары тарабынан активдүү чагылдырылган кыргыз павильонун кызыгуу менен кабыл алышты.