2019-жылдын 30-апрелинде Дакка шаарында, Бангладеш Кыргыз Республикасынын Бангладештеги  Башкы Ардактуу консулу Кази Шамсул Хак Кыргызстандын футбол боюнча кыздар арасындагы жаштар курама командасынын урматына салтанаттуу кечээ уюштурду.

Иш-чарага ошондой эле Бангладештин этноспорт бирикмесинин Президенти Мд.Аль Мамун катышты.

Кыргыз Республикасынын Бангладештеги  Башкы Ардактуу консулу Кази Шамсул Хак Кыргызстандын жаштар курама командасын турнирдеги татыктуу оюн менен куттуктап, жаңы ийгиликтерге жетишүүнү каалады.

Эске сала кетсек, КРнын футбол боюнча кыздар арасындагы жаштар курама командасы Бангладеште өтүп жаткан Bangamata U-19 Women’s International Gold Cup 2019 турнирде катышып жатат.

Кыргызстандын курама командасы жарым финалга чейин жетти, ОАЭЖ командасын 2-1 менен утуп алып.