Кыргызстандан келген парламентик делегация 2024-жылдын 1-февралында Вашингтон шаарында өткөн, АКШнын Конгресси тарабынан жыл сайын уюштуруучу  National Prayer Brekfast иш чарасына катышышты.

Бул иш-чарага 140тан ашык өлкөлөрдүн өкүлдөрү, АКШ өкмөтүнүн жана Конгрессинин мүчөлөрү, ишкерлер жана дүйнө жүзүнөн келишкен  ар түрдүү диндердин өкүлдөрү катышып сөз сүйлөштү.

Кыргыз делегациясын атынан КР Жогорку Кеңешинин депутаттары Нуржигит Кадырбеков менен Мейкинбек Абдалиев, ошондой эле КР АКШдагы жана Канададагы Атайын жана Ыйгарым укуктуу Элчиси Бактыбек Аманбаев катышышты. Аталган иш чаранын алкагыда Кыргызстандык делегация АКШнын конгрессмендери менен жолугушуп эки тараптуу кызматташтыкты чыңдоо боюнча пикир алмашышты.

Маалымат үчүн, National Prayer Breakfast (NPB) 1953-жылдан бери АКШда жыл сайын февралдын биринчи бейшембисинде өткөрүлүүчү иш-чара. Иш-чара дүйнө жүзүндөгү саясий, диний, социалдык жана бизнес элитасынын ортосундагы мамилелерди курууга, өз ара түшүнүшүүнү жана гармонияны чыңдоого багытталган.