2021-жылдын 10-февралында Кыргыз Республикасынын Тышкы иштер министрлигинде КР тышкы иштер министри Руслан Казакбаевдин катышуусунда КР ТИМдин Коомдук кеңешинин кезектеги жыйыны болуп өттү. Жыйын  Ишенгуль Болджурова жана Кыргыз Республикасынын Коомдук кеңешинин мүчөлөрүнүн төрагалыгы алдында өттү.

Кыргызстандагы президенттик шайлоону жана өлкөнүн башкаруу формасы боюнча референдумду өткөрүү боюнча Министрликтин жана чет өлкөлөрдөгү мекемелеринин  ишмердүүлүгүнүн жыйынтыктарына, ошондой эле инвестицияларды тартуу жана Кыргыз Республикасынын жарандарынын укуктарын коргоо боюнча жүргөн өлкөлөрүндө дипломатиялык өкүлчүлүктөрдүн ишмердүүлүгүнө байланыштуу маселелер талкууланды.

Тактап айтканда, Кыргыз Республикасынын Тышкы иштер министрлигинин Коомдук кеңешинин жыйынын кабыл алынган күн тартибине ылайык, видеоконференцбайланыш форматында инвестицияларды тартуу жана Кыргыз Республикасынын Пакистанда жүргөн жарандарынын укуктарын жана кызыкчылыктарын коргоо боюнча КРнын Пакистан Ислам Республикасындагы Элчилигинин ишмердүүлүгү жөнүндө маалыматы угулду.

Кыргыз Республикасынын Тышкы иштер министрлигинин Коомдук кеңешинин мүчөлөрү, Кыргыз Республикасынын Пакистан Ислам Республикасындагы Элчиси Э.Бейшембиевдин Элчиликтин 2020-жылы инвестицияларды тартуу, кыргыз-пакистандык соода-экономикалык кызматташуусун илгерилетүү жана пандемияга байланыштуу КР жарандарын ПИРден алып келүү боюнча аткарган ишин угушту.

Министр Р.Казакбаев Коомдук кеңештин мүчөлөрүнө Кыргыз Республикасынын тышкы саясатынын артыкчылыктары, Кыргыз Республикасынын Тышкы иштер министрлигинин жылдын жыйынтыгы боюнча жүргүзүлгөн иштери, кризиске каршы чараларынын планы жана Министрликтин кыска мөөнөттөгү иш-аракеттерин жүзөгө ашыруу жөнүндө маалымдады жана Коомдук кеңешинин кадрдык саясатты түзүүдө жигердүү катышуусун, ошондой эле Министрлик менен КР ТИМ Коомдук кеңешинин ортосундагы андан аркы тыгыз өз ара аракеттенүүсү жөнүндө каалоолорун билдирди.